ون کانسٹی ٹیوشن ایونیو لیز منسوخی فیصلہ کے خلاف انٹرکورٹ اپیل دائر
19 اپارٹمنٹ مالکان نے 30 اپریل کے عدالی فیصلے کے ایک پیراگراف کی حد تک انٹراکورٹ اپیل دائر کی، تھرڈ پارٹی رائٹس سے متعلق پیرا گراف 37 میں عدالتی آبزرویشن میں ترمیم یا اسے کاالعدم قرار دینے کی استدعا کی گئی۔
درخواست میں استدعا کی گئی ہے کہ اسلام آباد انتظامیہ اور پولیس کو اپیل کنندگان کے خلاف کاروائی اورسی ڈی اے کو اپارٹمنٹس سے بے دخل کرنے اور ہراساں کرنے سے روکا جائے۔
اِسی طرح درخواست گزاروں نے انٹر کورٹ اپیل میں استدعا کی بجلی اور گیس کی سہولیات منقطع کرنے اور رہائشیوں سے قبضہ خالی کرانے سے روکا جائے جب کہ کسی قابل قبول حل سے قبل بے دخلی روکی جائے۔
مالکان کا مزید کہنا تھا کہ اپیل کنندگان کو قابل قبول حل تک پہنچنے کے لیے مشاورتی عمل میں شامل کیا جائے، سی ڈی اے کو تصفیہ یا ازالہ شکایات کے عمل میں اپیل کنندگان کو سننے کی ہدایت کی جائے۔
خیال رہے انٹراکورٹ اپیل میں سی ڈی اے اور بی این پی کمپنی کو فریق بنایا گیا ہے۔
