اسحاق ڈار کی نیویارک میں چینی وزیرخارجہ سے ملاقات، علاقائی پیشرفت پر تبادلہ خیال

نائب وزیراعظم ووزیر خارجہ اسحاق ڈار کی نیویارک میں چینی وزیر خارجہ وانگ ژی سے اہم ملاقات ہوئی ، چین نے علاقائی امن کیلئے پاکستان کے تعمیری کردار کو سراہا اور مکمل حمایت کا اعادہ بھی کیا ۔ 

نیویارک میں ملاقات کے دوران نائب وزیراعظم ووزیر خارجہ اسحاق ڈار اور چین کے وزیرخارجہ وانگ ژی  نے حالیہ علاقائی پیش رفت  پر تبادلہ خیال کیا ۔  مذاکرات اور سفارتکاری کے حوالے سے جاری پاکستانی کوششوں پر بات کی گئی ۔ اسحاق ڈار کی واشنگٹن میں امریکی وزیر خارجہ و مشیر قومی سلامتی مارکو روبیو کے ساتھ ملاقات سے ایک روز قبل پاک چین وزرائے خارجہ کی ملاقات کو سفارتی حلقوں میں اہم قرار دیا جا رہا ہے ۔