امریکا نے یوکرین کو 108.1 ملین ڈالر کے ہاک میزائل سسٹم آلات کی فروخت کی منظوری دے دی
امریکہ کے محکمہ خارجہ نے یوکرین کو ہاک میزائل سسٹم کی دیکھ بھال اور آپریشنل صلاحیت برقرار رکھنے کے لیے 108.1 ملین ڈالر مالیت کے آلات اور متعلقہ سامان کی ممکنہ فروخت کی منظوری دے دی ہے۔
خبر رساں ادارے رائٹرز کے مطابق امریکی محکمہ خارجہ نے اس مجوزہ دفاعی پیکیج کی منظوری دیتے ہوئے کہا کہ اس اقدام کا مقصد یوکرین کی فضائی دفاعی صلاحیت کو مضبوط بنانا ہے۔
رپورٹس کے مطابق اس پیکیج میں ہاک میزائل سسٹم کے اسپیئر پارٹس، تکنیکی معاونت، مرمت اور لاجسٹک سپورٹ شامل ہوگی تاکہ یوکرینی افواج موجودہ دفاعی نظام کو مؤثر طریقے سے استعمال کر سکیں۔
امریکی حکام کا کہنا ہے کہ یہ فروخت خطے میں سلامتی اور اتحادی ممالک کے دفاعی استحکام کے لیے اہم سمجھی جا رہی ہے۔
تجزیہ کاروں کے مطابق روس یوکرین جنگ کے تناظر میں واشنگٹن مسلسل کیف کی فوجی معاونت جاری رکھے ہوئے ہے جبکہ جدید دفاعی نظام یوکرین کی فضائی دفاعی حکمت عملی میں کلیدی کردار ادا کر رہے ہیں۔
