لاہور میں ہلکی بارش اور ٹھنڈی ہواؤں سے موسم خوشگوار ہوگیا
شام کے وقت چلنے والی تیز اور ٹھنڈی ہواؤں نے لاہور میں گرمی کا زور توڑ دیا،جبکہ شہر کے مختلف علاقوں میں ہلکی بارش سے موسم خوشگوار ہو گیا۔
ماڈل ٹاؤن،گلبرگ،لبرٹی چوک،جیل روڈ اورگرد و نواح میں کہیں ہلکی اورکہیں بوندا باندی ریکارڈ کی گئی، جس کے بعد موسم سہانا ہوگیا۔
محکمہ موسمیات کےمطابق لاہورکاموجودہ درجہ حرارت 29 ڈگری سینٹی گریڈریکارڈ کیا گیا،جبکہ شہر میں اس وقت بھی 15 کلومیٹر فی گھنٹہ کی رفتار سے ہوائیں چل رہی ہیں۔
لاہورمیں 23 مئی تک تیز ہواؤں اور بارش کا سلسلہ وقفے وقفے سے جاری رہنے کا امکان ہے
