ناروے کے اخبار نے نریندر مودی کا سپرے کے طورپر متنازع کارٹون شائع کردیا، عالمی سطح پر بحث چھڑ گئی
اوسلو سے شائع ہونے والے ایک معروف نارویجن اخبار نے بھارتی وزیراعظم نریندر مودی کا متنازع کارٹون شائع کر دیا، جس کے بعد بین الاقوامی میڈیا اور سیاسی حلقوں میں نئی بحث شروع ہوگئی ہے۔
رپورٹس کے مطابق ناروے کے معروف اخبار آفتن پوسٹن نے اپنی ایک سرخی کے ساتھ ایسا کارٹون شائع کیا جس میں نریندر مودی کو سانپ کا کھیل دکھانے والے کے روپ میں پیش کیا گیا۔
کارٹون منظر عام پر آنے کے بعد مختلف حلقوں میں شدید ردعمل دیکھنے میں آیا۔ بعض مبصرین نے اسے ’’انتہائی سخت اور متنازع‘‘ قرار دیا، جبکہ بھارتی میڈیا میں بھی اس معاملے پر بحث چھڑ گئی۔
بھارتی میڈیا میں اس کارٹون کے حوالے سے ’’مکار اور پریشان کن شخص‘‘ جیسی سرخیاں زیر بحث رہیں، جبکہ سوشل میڈیا پلیٹ فارمز پر بھی اس موضوع پر مختلف آراء سامنے آئیں۔
ماہرینِ امورِ خارجہ کے مطابق مودی حکومت کی بعض پالیسیوں، مذہبی شدت پسندی سے متعلق بیانیے اور اختلافِ رائے پر مبینہ پابندیوں کے باعث عالمی سطح پر تنقید پہلے ہی موجود تھی، اور اس تازہ واقعے نے اس بحث کو مزید تقویت دی ہے۔
