پنجاب اور سندھ کے بیشتر علاقوں میں شدید گرمی، دادو اور جیکب آباد میں پارہ 51 ڈگری ریکارڈ

پنجاب اور  سندھ کے بیشتر میدانی علاقوں میں شدید گرمی ریکارڈ کی جا رہی ہے۔

 محکمہ موسمیات کا کہنا ہے کہ پنجاب اور سندھ کے بیشتر میدانی علاقے شدید گرمی کی لپیٹ میں ہیں اور گرمی کی یہ لہر اتوار تک جاری رہ سکتی ہے۔

محکمہ موسمیات کے مطابق گزشتہ روز سب سے زیادہ درجہ حرارت دادو اور جیکب آباد میں 51 ڈگری سینٹی تک گریڈ ریکارڈ کیا گیا۔

اسی طرح سبی، تربت، شہید بینظیر آباد،لاڑکانہ اور موہن جو دڑو میں درجہ حرارت 50، خیر پوراور سکرنڈ میں 49، ڈیرہ غازی خان میں 47 اور لاہور میں 44 ڈگری سینٹی گریڈ رہا جبکہ  اسلام آباد میں بھی درجہ حرارت 40 ڈگری سے زیادہ ریکارڈ کیا گیا۔

اس کے علاوہ محکمہ موسمیات نے کراچی کے حوالے سے کہا کہ شہرمیں آج درجہ حرارت 38 ڈگری سینٹی گریڈ تک جا سکتا ہے۔