سوا چار سال بعد پاکستان کے ڈالرذخائر ایک بار پھر ساڑھے 22 ارب ڈالر سے تجاوز

آئی ایم ایف پروگرام کی دواقساط اور پانڈا بانڈ سے حاصل ڈالرز نے زرمبادلہ ذخائر بڑھا دیئے، سوا چار سال بعد پاکستان کے ڈالر ذخائر ایک بارپھر ساڑھے 22ارب ڈالر  سے تجاوز کر گئے ۔

تفصیلات کے مطابق بیرونی قرضوں کی ادائیگیوں کے باوجود پاکستان کے زرمبادلہ ذخائر میں 1 ارب 25 کروڑ 22 لاکھ ڈالر اضافہ دیکھنے میں آیا ہے، پاکستان کے زرمبادلہ ذخائر 22 ارب 58 کروڑ 85 لاکھ ڈالر ہو گئے۔

اسٹیٹ بینک کے زرمبادلہ ذخائر 1 ارب 21 کروڑ 40 لاکھ ڈالر بڑھ گئے،اسٹیٹ بینک کے زرمبادلہ ذخائر 17 ارب 8 کروڑ 10 لاکھ ڈالر ہو گئے،کمرشل بینکوں کے زرمبادلہ ذخائر میں 3 کروڑ 82 لاکھ ڈالر کا اضافہ ہوا،کمرشل بینکوں کے ڈالر ڈپازٹس 5 ارب 50 کروڑ 75 لاکھ ڈالر ہو  گئے، گزشتہ ہفتے کچھ بیرونی قرضوں کی ادائیگیاں بھی کی گئیں۔