گوجرہ: رکشہ اور موٹر سائیکلوں میں تصادم، 2 نوجوان جاں بحق، 3 زخمی
ریسکیو ذرائع کے مطابق موٹر سائیکل رکشہ سمندری سے گوجرہ آ رہا تھا کہ سامنے سے آنے والی موٹر سائیکل اس سے ٹکرا گئی، جس کے نتیجے میں موٹر سائیکل پر سوار دونوں نوجوان موقع پر ہی دم توڑ گئے۔
حادثے کے دوران ایک دوسری موٹر سائیکل بھی رکشے سے جا ٹکرائی، جس سے مزید افراد زخمی ہو گئے۔
اطلاع ملتے ہی ریسکیو ٹیمیں موقع پر پہنچ گئیں اور زخمیوں سمیت جاں بحق افراد کی لاشوں کو تحصیل ہیڈ کوارٹر ہسپتال منتقل کر دیا گیا۔
ریسکیو حکام کے مطابق جاں بحق ہونے والے نوجوانوں کی تاحال شناخت نہیں ہو سکی، تاہم ان کی عمریں تقریباً 22 اور 16 سال بتائی جا رہی ہیں۔
زخمیوں میں 46 سالہ محمد عمران، 44 سالہ محمد عدنان اور 20 سالہ علی شامل ہیں، جنہیں طبی امداد فراہم کی جا رہی ہے، تاہم پولیس نے بھی واقعے کی تحقیقات شروع کر دیں ہیں۔
