پنجاب میں تعلیمی نصاب مرحلہ وار تبدیل کرنے کا فیصلہ

پنجاب میں تعلیمی نصاب تبدیل کرنے کا فیصلہ کرلیا گیا۔ نرسری سے بارہویں جماعت کا نصاب دو فیزمیں تبدیل کیا جائے گا۔

پہلے فیز میں نرسری سے پانچویں جماعت کا نصاب تبدیل ہوگا، دوسرے فیز میں چھٹی سےبارہویں جماعت کا نصاب تبدیل کیا جائے گا۔ پرائمری نصاب سے مختلف موضوعات کو کم کیا جائے گا، نصاب میں جدت اورماحولیات پرموضوعات کو شامل کرنے پرغور جاری ہے۔

سی ای اوپیکٹا موسیٰ علی بخاری کا کہنا ہے کہ نصاب میں تبدیلی کےلیے وقت درکار ہے، نئےنصاب کوآئندہ تعلیمی سال نافذ کرنا قبل ازوقت ہے۔

موسیٰ علی بخاری نے کہا کہ پنجاب کے نصاب میں طلبا پر بوجھ زیادہ ہے، عالمی سطح پر پہلی جماعت میں ایک سے 20 تک گنتی سکھائی جاتی، پاکستان میں پہلی جماعت میں ایک سے100تک گنتی سکھائی جاتی، نصاب کوعالمی سطح پر لے کر جائیں گے تاکہ طلبا بہتر طریقےسے پڑھ سکیں۔